Балтач район кулланучылар җәмгыяте коллективы (рәисе Хәйретдин Гаяз улы Шәйхетдинов) исеменә ТР Авыл хуҗалыгы һәм азык-төлек министры Марат Әхмәтов имзасы салынган хат килеп төште.
Анда агропромышленность комплексының актуаль программаларын тормышка ашыруда, республикабыз халкын азык-төлек белән тәэмин итүдә коллективның актив катнашуы ассызыклана һәм шәһәр халкына районда җитештерелгән продукцияләрне сату буенча ярминкәләр оештырудагы эшчәнлеге өчен коллективка министрлык исеменнән чын күңелдән рәхмәт белдерелә.
