Раштуа бәйрәме белән!

Ильнур, 7 January 2013 - 09:03

2821

Христианнар Раштуа бәйрәмен гомер-гомергә зурлап билгеләп үткәннәр. Бу көнне динне хөрмәт иткән һәр христиан гыйбадәтханәгә - чиркәүләргә килә һәм рухи яктан пакьләнеп, күңеленә җан тынычлыгы ала.

Иисус Христос туган бу көндә христианнарның күңеленә иман нуры иңә, матур омтылышлар һәм изге ниятләр йөрәк түренә урнашып, дуслык, татулык төшенчәсе тагын да киң мәгънәле яңгыраш таба.

Районыбызда ике дин халкының элек-электән тату яшәве, авырлык килгәндә бер максатка берләшүе зур сынауларны кичәргә, хезмәттә яңа үрләр яуларга ярдәм итте. Киләчәктә дә бу бөек дуслыкның нигезе җимерелмәсен, нык булсын!

Хөрмәтле христиан динен тотучылар! Теләгем шул: бу бөек бәйрәмегездә нинди изге ниятләрегез, теләкләрегез булса да шуларга ирешергә насыйп итсен. Йорт-җирегезгә иминлек, байлык, һәркайсыгызга җан тынычлыгы һәм саулык-сәламәтлек телим.

Текст после содержания указынный в настройках

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен