25нче гыйнвар - Студентлар көне. Бу бәйрәмне әлеге төркемгә керүчеләр түземсезләнеп каршы ала һәм бик күңелле итеп үткәрә.
Районыбыздан барлыгы бер меңнән артык егет-кыз республикабызның төрле шәһәр һәм районнарында укып, һөнәр үзләштерә. Гыйнвар ахыры күпчелек студентларның иң авыр чоры, чөнки бу вакытта алар өстендә сессия сүзе «эленеп» тора. Уңышлы гына зачет-имтиханнарын тапшырып чыкканнары, шатланып каникул итә, ә уңышсызлыкка дучар булганнары уку йортларының караңгы коридорларын тагын таптарга мәҗбүр.
Бүген үткәрелүче әлеге бәйрәм белән һәрбер студентны ихластан котлап, укуыңда уңышлар һәм киләчәктә барлык теләкләренең тормышка ашуларын теләп калабыз.
