Хезмәт

Бүген “Соңгы кыңгырау” бәйрәме

Бүген барлык мәктәпләрдә дә "Соңгы кыңгырау" бәйрәме уза. Иңнәрендә очар канат тойган укучылар мәктәп, иптәшләре, укытучылар коллективы белән хушлаша.

Бу көн гомер-гомергә укытучылар өчен дә, укучылар өчен дә тантаналы һәм истәлекле, күңелле һәм моңсу бәйрәм булып санала. Районыбызда быелгы уку елында 11 сыйныфны - 198, тугызынчы сыйныфны 422 укучы тәмамлый.

Алда бердәм дәүләт имтиханнары. Беренчеләрдән булып 27 май көнне 7 укучы рус әдәбиятыннан имтихан тапшыра. 30ында исә беренче мәҗбүри сынау - рус теленнән имтихан узачак. Аннан соң 185укучы база һәм 149 бала профиль дәрәҗәдәге математика буенча белемнәрен күрсәтәчәк. Сайланма фәннәрдән 8июнь көнне җәмгыять белеменнән - 56, 10сында чит телләрдән - 11, 14ендә биологиядән - 53, 16 июньдә 9 укучы информатика һәм 8 укучы тарихтан, 20сендә 42 бала химиядән, ә 62 укучы физикадан имтихан тапшырачак. Уңышлар юлдаш булсын сезгә, кадерле балалар. Үзегезгә якын булган һөнәр сайлап, тормышта бар нәрсәгә дә ирешүегезне телибез.
Фото: vk
Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: