Хезмәт

Балтач районы

18+
2024 - Гаилә елы
Кеше һәм закон

Хис-тойгыларга бирелмик

Яла һәм гайбәт тарату, мыскыл итү, рәнҗетү характерындагы административ эшләр прокуратура тарафыннан кузгатылып, җәмәгатьчелек судында карала.

Бүгенге көндә мондый характердагы эшләргә игътибар артты. Уйламыйча әйтелгән, нахак сүзләр өчен штрафларның бәясе дә саллы.
Шеңшеңәр авылында яшәүче Фәрит Мөбарәкшин башкалар янында авылдашы, күршесе Роза Гарипованы «МТЗ-80» тракторын яндыруда гаепли. Зыян күрүченең аңлатуларыннан күренгәнчә, 27нче апрель көнне 9 сәгать 30 минутта үзләренең хуҗалыкларыннан 200 метр читтә төтен күрә. Утны сүндерергә теләп, Р.Гарипова күршесенә тракторга ут кабу куркынычы бар, дип хәбәр итә. Якынча 11 сәгатьтә трактор янындагы салам эскерте яна башлый. Сәгать бишенче яртылар тирәсендә Гарипова эштән кайта һәм тормыш иптәше белән янгын булган урынга юнәлә. Бу вакытта анда авыл җирлеге башлыгы Р.Галиев, янгын күзәтчелеге инспекторы И.Шәйдуллин, гараж мөдире Р.Һадиев та була. Шунда Фәрит Мөбарәкшин җыелган кешеләр янында Розаны гаепли. Баксаң, Гарипованың чүп яндыруы нәтиҗәсендә ут тракторга күчә. Нахак сүзләрдән Роза начар хис итә һәм аңа шәфкать туташы чакыртырга мәҗбүр булалар.
Фәрит Мөбарәкшин белдерүенчә, күршесе (Гарипова) аңа «МТЗ-80» тракторы януы турында көндезге 10нар тирәсендә хәбәр итә. Чүплектән ут салам эскертенә, ә эскерттән тракторга күчүе, ә кем ягып җибәрүе турында белмәвен әйтә.
Күрсәтмәләрдән күренгәнчә, Фәрит Мөбарәкшин гайбәт сүзләр сөйләп, икенче бер затның намус һәм дәрәҗәсен төшерә, чит кешеләр янында аны түбәнсетә. Әлеге гамәлләре өчен ул административ җаваплылыкка тартылды. Нинди генә хис-тойгылар кичерүенә карамастан, адәм баласы кешене мыскыл итәргә яки аның хакында гайбәт сөйләргә тиеш түгел. Дөреслекне торгызу өчен хокук саклау органнары бар. Кемнең гаепле, кемнең юк икәнен алар билгели.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250