Янгынга каршы көрәш максатыннан, районда махсус режим кертелде

Бу чорда учак ягу катгый рәвештә тыела. Табигать кочагында ял итүдән дә тыелып торырга киңәш итәбез. Оешма-предприятие, каралты-кура яннарын чүп-чардан чистарту сорала. Чүпләрне яндыру тыела, аларны чүплекләргә илтү киңәш ителә. Шулай ук басу-кырларны яндыру да рөхсәт ителми. Кагыйдә бозучылар административ җаваплылыкка тартыла. Шунысын исегезгә төшерәбез, махсус режим вакытында штрафлар ике мәртәбә артачак.