Хезмәт

Арча ЮХИДИ җитәкчесен эштән куганнар

Январь аеныӊ сонгы көне Арча ЮХИДИ җитәкчесе майор Илдар Нотфуллин күӊелендә озак сакланыр.

Республиканыӊ юл хәрәкәте куркынычсызылыгын тэәмин итүгә багышланган Казандагы җыелышта Республиканыӊ Эчке эшлэр министры Артем Хохорин аны эш мәнфәгатьләренә зыян китерүдә, сатлыкҗанлылыкта гәепләгән һәм җыелыштан чыгып китүен таләп иткән.

Элекеге җитәкченеӊ гәебе - үзенеӊ хезмәткәрләренә юлдагы «Амат» фотовидео аппаратураларыныӊ парольләрен бирүдә. Моныӊ нәрсә өчен кирәк икәне аӊлашыла - аппаратураны пароль ярдәмендә ачып, аннан кирәкле материалларны юкка чыгарып була. Арчалыларныӊ эше әледән-әле министрлыкныӊ эчке куркынычсызлык хезмәтенеӊ игътибарында. Бу очракта да, юлдан «бик текә» номерлы машинаны югары тизлек белән уздырганнар, әмма ни өчендер моӊа протокол килмәгән. Соӊыннан тикшерү уздырылганда, бу фотовидео материалларыныӊ базадан юкка чыгарылуы һәм парольләр белән ЮХИДИ хезмәткәрләренеӊ файдалануы ачылган.

Хэзергә майор Илдар Нотфуллинны эштән җибәрү турында нинди дә булса рәсми приказ юк, дип белдергән Республиканыӊ ЮХИДИ җитәкчесе Ленар Габдурахманов. Әмма, министр сүзен юкка чынарып булмый шул.

Реклама
Теги: 250
Нравится
Поделиться:
Реклама
Комментарии (0)
Осталось символов: