Хезмәт

Айфон урынына ...тавык паштеты

Товар бәясе берничә тапкырга арзан булуы заказчыны шиккә салмаган.

(Казан, 10 ноябрь, "Татар-информ"). Бер әлмәтле социаль челтәрдә 4,8 мең сумга гына яңа iPhone 5s сатучыга тап була.

Аның бәясе базар бәясеннән берничә тапкыр арзан булуы да әлеге ирне шикләндерми. Ул сатучы белән элемтәгә керә һәм, айфон бәясенә тагын 600 сум почта чыгымнарын түләгәннән соң, өендә посылка көтеп утыра. Посылканы ала алуын,ә анда көтелгән айфон урынына... тавык паштеты килеп чыга.

Шуннан соң ир сатучы белән кабат элемтәгә керергә омтылып карый. Әмма телефонны да алмыйлар, социаль челтәрдәге төркем дә ябыла. Үзенең мошенниклар корбаны булуын чамалаган әлмәтле полиция бүлегенә мөрәҗәгать итә. 5 мең сумнан артык бәягә төшкән паштет тәмле булгандырмы, юкмы - анысы турында бер сүз дә юк, дип хәбәр итә "Әлмәт таңнары" газетасы.

Чыганак: http://tat.tatar-inform.ru/

Фото: http://iphoneistanbul.com/

Теги: 250
Нравится
Поделиться:
Реклама
Комментарии (0)
Осталось символов: