Хезмәт

Баласын үтергәч тә төрмәгә утыртмаганнар...

Психиатр стационарына мәҗбүри дәвалануга Яр Чаллыда яшәүче 32 яшьлек хатын-кызны җибәргәннәр.

Реклама

Ул пычак белән үзенең ике һәм җиде яшьлек улларына ташланган. Нәтиҗәдә, аның бер баласы үлде.

Коточкыч фаҗига узган елның көзендә булган: 6 октябрьдә хатын ире белән көнләү нигезендә талашкан, шуннан соң ир өйдән чыгып киткән. Аннары хатын-кыз, пычак алып, үзенең кечкенә улларының күкрәк читлеге өлкәсенә күпсанлы җәрәхәтләр ясаган һәм үз-үзенә кул салырга тырышкан.

Малайларның кечесе урында ук үлгән, ә өлкән баланы әнисе белән дәваханәгә озатканнар. Суд-психиатрия экспертлары комиссиясе хөкем ителүче билгеләрдә хроник психик тайпылышның билгеләрен тапкан, шуның аркасында ул үз гамәлләренең фактик характерын һәм куркынычлыгын аңлый алмаган.

Кызганычка каршы, бу Русиядә гаилә әгъзаларына үз вакытында медицина ярдәме булмауның куркыныч нәтиҗәләргә китергән беренче очрак түгел. Әгәр дә сез суицидаль, кискен апатик, агрессив һәм башка тискәре эмоциаль күренешләрне күрсәгез, ким дигәндә ике атна эчендә белгечләргә мөрәҗәгать итегез.
 

Фото: yandex.com сайтыннан.

Автор: Ример Насретдинов

https://kiziltan.rbsmi.ru/articles/khokuk/Balasin-terg-ch-t-t-rm-g-utirtmagannar-394772/

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: