Хезмәт

Егете белән яшәргә рөхсәт итмәгәннәр

Шул сәбәп белән 15 яшьлек кыз әтисен һәм үги әнисен үтерергә карар итә.

Бу эшкә ул 22 яшьлек егетен җәлеп итә. Анысы, төнен тәрәзәдән кереп, башта 48 яшьлек хатынга пычак кадый, аннары тавышка чыккан ирнең аркасына ике тапкыр чәнчә. Ир исән калган, ә менә хатын үлгән. Җинаятьчеләр качарга омтыла, ләкин тотылалар.

Әлеге кызның мәктәптә үк холкы бик начар булуы билгеле. Ул өч атна психоневрология дәваханәсендә дә ятып чыккан. Егете белән дә шунда танышкан...

Бу хәл октябрь ахырында Липецк өлкәсендә булган.

Балаларның ни өчен агрессив булуына бер төрле генә җавап юк. Бу элек тә шулай булган, хәзер дә. Ләкин әлеге вакытта төрле фильмнардагы, компьютер уеннарындагы көч культы хәлне тагын да авырайта. Балаларны әнә шул уеннардан, фильмнардан араларга тырышыгыз, дип яза Кызыл таң.

 

Автор: Резеда Галикәева

Реклама
Нравится
Поделиться:
Реклама
Комментарии (0)
Осталось символов: