Иң куркыныч мошенниклык схемаларын атадылар
Мошенниклар, акчаны үзләре урлар өчен, карта мәгълүматларын, смс аша килгән парольләрне һәм башкаларны сорап ала, яки кешеләрне төрле операцияләрне мөстәкыйль рәвештә башкарырга күндерә.
Иң актуаль һәм куркыныч мошенниклык схемалары — акчаларны куркынычсыз счетка күчерергә кирәк, дип хокук саклау органнары һәм РФ Үзәк банкы хезмәткәрләре исеменнән телефон һәм мессенджерлар аша килгән шалтыратулар.
Бу хакта Сбербанк идарәсе рәисе урынбасары Станислав Кузнецов «Көнчыгыш икътисади форумы — 2024» кысаларында «РИА Новости«га интервьюда сөйләде.
«Иң актуаль һәм куркыныч мошенниклык схемасы булып акчаларны „куркынычсыз“ счетка күчерергә кирәк, дип хокук саклау органнары һәм РФ Үзәк банкы хезмәткәрләре исеменнән телефон һәм мессенджерлар аша килгән шалтыратулар тора», — диде Кузнецов.
Ул билгеләп үткәнчә, алга таба вакыйгалар ике төрле юл белән бара: мошенниклар, акчаны үзләре урлар өчен, карта мәгълүматларын, смс аша килгән парольләрне һәм башкаларны сорап ала, яки кешеләрне төрле операцияләрне мөстәкыйль рәвештә башкарырга: банкомат аша акча күчерергә, алырга һәм салырга, кредитлар рәсмиләштерергә күндерә.
«Кешеләрне операцияне мөстәкыйль рәвештә башкарырга этәргәндә, җинаятьчеләр бернинди реквизитлар һәм мәгълүматларны сорамавын ассызыклый, шул рәвешле корбанның ышанычын уята», — дип өстәде Кузнецов.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев