Махсус хәрби операция геройларына бушлай җир бирә башлыйлар?
Россия Президенты Владимир Путин төбәк хакимиятләренә махсус хәрби операция геройларына бушлай җир участоклары бирергә тәкъдим итте.
Россия Президенты Владимир Путин төбәк хакимиятләренә махсус хәрби операция геройларына җир участокларын бушлай бирергә киңәш иткән. Дәүләт башлыгы күрсәтмәсендә шундый пункт бар.
Документ Россия Геройлары исеменә лаек булган яки махсус хәрби операция вакытындагы казанышлары өчен орденнар белән бүләкләнгән хәрби хезмәткәрләргә, иреклеләргә һәм Росгвардия хезмәткәрләренә, моннан тыш, хәрби хәрәкәтләр ветераннарына да кагыла.
Җир кишәрлекләре СВО вакытында һәлак булучыларның (имгәнү яки авыру нәтиҗәсендә) гаиләләренә дә биреләчәк. Сүз дәүләт яки муниципаль милектәге кишәрлекләр турында бара.
Төбәк хакимиятләренә җир кишәрлекләрен күрсәтелгән затларга махсус хәрби операциядә катнашулары тәмамланган көнгә теркәлгән федерация субъектында бирергә тәкъдим ителә.
Әмма Мәскәү, Санкт-Петербург һәм Севастополь өчен искәрмә бар. Бу төбәкләргә кишәрлекләр бирү турындагы күрсәтмә кагылмый, ләкин аларга социаль чыгымнарының башка чаралары тәкъдим ителәчәк.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев