Пенсионерлар февральдән 8,6% ка индексацияләнгән пенсия ала башладылар

Эшләмәүче пенсионерлар гыйнвар аенда индексацияләгән пенсия күләмен исәпкә алып, 3 февральдән гадәти график буенча 5,9% тан 8,6% ка кадәр индексацияләнгән пенсия ала башлаячак. Бу хакта Россия Федерациясе Пенсия фондының Татарстан Республикасы буенча Бүлекчәсе хәбәр итә.

Январь аенда иминият пенсиясе алучыларның пенсияләре 5.9%ка арттырылып түләнде. В.В.Путин пенсияләрне инфляция күләменнән югарырак процентка арттырырга кирәк дигәч, январьдан ук арту күләмен 8,6% итәргә дигән карар кабул ителде . Шул сәбәпле февраль аенда январь ае өчен өстәмә түләнәчәк. (гөмүмән алганда арту күләме 1 январьдан үк 8,6% була)

Исегезгә төшерәбез, федераль кануннар җыелмасына кертелгән үзгәрешләр нигезендә Татарстанның 1 миллионнан артык эшләмәүче пенсионерының иминият пенсияләре өстәмә рәвештә 8,6 %ка кадәр индексацияләнде. Бу Росстат мәгълүматлары буенча  2021 елда 8,4% тәшкил иткән инфляция дәрәҗәсеннән югарырак.

"Һәр пенсионерның пенсиясе индексацияләнгәннән соң индивидуаль  күләмдә арта һәм ул пенсионер ала торган пенсиянең күләменә бәйле. Түләүләр автомат рәвештә башкарылачак, алар өчен Пенсия фондына мөрәҗәгать итәргә кирәкми. ", - дип аңлатты Татарстан Пенсия фонды башлыгы Эдуард Вафин.

Сорауларга җавапларны Бердәм Контакт-үзәк номеры буенча алырга мөмкин - 8 800 6-000-000 (шалтырату бушлай).