Питрәч районы мәктәбендә атыш булган?
Тикшерү бара.
Татарстанның Питрәч районы Богородское мәктәбендә баланың җәрәхәтләнү факты буенча җинаять эше кузгатылган. Бу хакта Татарстан прокурорының өлкән ярдәмчесе Руслан Галиев хәбәр итә.
Җинаять эше «аңлы рәвештә сәламәтлеккә авыр зыян китерү» маддәсе буенча кузгатылган. Тикшерү күзәтчелек ведомствосы контроленә алынган.
Элегрәк «Татар-информ» хәбәр иткәнчә, 2нче сыйныф укучысы мәктәпкә аучы сигналын хәрәкәткә китерүче җайланма алып килгән. Ул аны сыйныфташларына күрсәткәндә, җайланма очраклы рәвештә эшләп киткән.
Нәтиҗәдә, Тикшерү комитеты мәгълүматларына караганда, 8 яшьлек малайның ирене ертылган, тагын бер бала тавыш дулкыныннан вакытлыча саңгырауланган.
Татарстан Сәламәтлек саклау министрлыгыннан хәбәр итүләренчә, малайларны Республика балалар клиник хастаханәсе белгечләре тикшергән. Шуннан соң аларны амбулатор дәвалануга өйләренә җибәргәннәр.
Вакыйга урынына Питрәч районы прокуроры Фәнис Шәйхаттаров килгән. Тикшерү бара.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев