Хезмәт

Туганыңны яклау яхшы гамәл, әмма...

Балигъ булмаган балалар белән эшләү комиссиясенең чираттагы утырышы булып узды.

Бала тәрбиясенә бармак аша караучы эчкече әниләр, айлар буе “салдым”га китеп хатынын, балаларын өйдән куып чыгарган ирләр инде безнең Балтач җирлегендә табигый күренешкә әйләнеп бара.

Мондый категория гражданнар атна саен балигъ булмаган балалар белән эшләү комиссиясе утырышына чакырыла. Чираттагы утырышта бала тәрбиясенә артык игътибар итмәгән, эш урынында даими исерткеч эчемлекләр кулланган әни белән улы чакырулы иде. Бу инде беренче чакырылулары гына түгел. Әмма әни кешегә әллә бала бар, әллә юк, аның сәламәтлеге һәм тәрбиясе хакында уйлап та карамый. Комиссия вәкилләре төгәл вакыт билгеләп, әни кешегә баласын хастаханәгә алып бару бурычы билгеләде.

Энесен якларга теләп авылдашы белән эләгешкән егеткә дә комиссия алдында җавап тотарга туры килде.

– Энем, туганны яклау яхшы гамәл, әмма закон бар. Мондый аңлашылмаучанлыклар килеп туган вакытта үзең “суд ясау” кирәкми, аның өчен җаваплы кешеләр бар, – диде комиссия рәисе Наил Сабирҗанов.

Теги: кдн
Нравится
Поделиться:
Реклама
Комментарии (0)
Осталось символов: