Хезмәт

Умарта тотсаң, законны үтә

Гражданнар һәм юридик затлар умарта ояларын сәламәтлек, белем бирү, балалар бакчалары, мәдәният учреждениеләреннән, гомумән, кеше тормышына зыян китерми торган аралыкта урнаштырырга тиешләр.

Баш ветеринария идарәсенең ветеринария инспекциясенә һәм "Россельхознадзор" идарәсенә аерым авыллардан умарта ояларын йорт яны кишәрлекләрендә закон таләпләренә җавап бирми торган хәлдә тоту турында гаризалар еш керә. Һәркемнең умартачылык белән шөгыльләнергә хакы бар. Төп таләп - умарта оялары җир участогының чикләреннән 10 метрдан да якын урнашмаска һәм ике метрдан да ким булмаган тоташ койма белән әйләндереп алынган булырга тиеш. Һичъюгы, умарта оялары күрше җир участогыннан бина яки төзелеш объекты белән бүленеп куелган булырга тиеш.

Реклама

Торак пунктларда умартачылык белән шөгыльләнү яки умарта оялары тоту буенча инструкциядә каралганча, һәр умарталыкның ветеринар-санитар паспорты һәм анда ветеринария хезмәте табибының тиешле язмалары булырга тиеш. Бары тик шулар нигезендә генә умарта ояларын күчерү, умарталарны һәм аларның продукциясен сату рөхсәт ителә. Торак пунктларда умарта оялары тотучылар һәм умартачылык белән шөгыльләнә башларга теләүчеләр, ветеринария идарәсенә гариза язып, теркәлеп, инструктаж үтеп, таныклык (умарталык паспорты) алырга тиеш. Умарта тоту буенча таләпләрне бозучыларны җаваплылыкка тарту каралган.

Фото: http://app.nedir.com/content_imgs/arici.jpg

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: