Хезмәт

"Кыз могҗиза белән генә исән калган"

Ырынбурда Башкортстан кызларын үтерү эше буенча яңа нечкәлекләр ачылды.

Башкортстаннан Гай шәһәрендә өч студентны рәхимсез үтерүне тикшерү дәвам итә. Җинаятьтә шикләнелүче Александр Лазарев турында яңа нечкәлекләр ачылды.

Исегезгә төшерәбез, сентябрь ахырында Ырынбур өлкәсе Гай шәһәрендә арендага алынган фатирда Башкортстаннан ике студентның гәүдәләре табылды. Тагын бер гәүдәне урамда таптылар. Җинаятьченең әлеге торакны яндырырга теләве дә билгеле.

Бердәнбер шикләнелүче элек хөкем ителгән Александр Лазарев булып чыкты. Ул кызлар яшәгән фатирга кереп, кызларны суйган һәм көчләгән. Дмитрий Анненков, Русия Тикшерү комитетының Ырынбург өлкәсе буенча криминалистика бүлеге башлыгы ир-атның башка шундый җинаятькә катнашы булырга мөмкинлеген белдерә. 2021 елның августында ул бер кызны көчләгән. Әмма зыян күргән кыз полициягә мөрәҗәгать итмәгән. Соңрак Александр корбанны үтерергә теләгәнен әйткән.

- Тикшерү барышында без тагын бер көчләүне ачыкладык. Лазарев 2021 елның июлендә иреккә чыга, ә августта "латент" булган көчләү була: зыян күрүче органнарга гариза бирмәгән. Кыз могҗиза белән генә үлемнән котылган. Соңгы күрсәтмәләрдә Лазарев аны да үтерергә теләвен, ләкин моңа нәрсәдер комачаулавын әйтте, - ди Русия Тикшерү комитетының Ырынбур өлкәсе буенча криминалистика бүлеге башлыгы Дмитрий Анненков.

 

Фото: bash.news
Автор:Гөлия Мөгаллимова

Без социаль челтәрләрдә: ИнстаграмИнстаграм ВКонтакте, ВКонтакте, ТикТок, Ютуб, Одноклассники, Телеграм, Фейсбук, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: