Акылга зәгыйфь бер бәндә 9 яшьлек мәктәп укучысын мәсхәрәләгән

(Казан, 14 март, “Татар-информ”). Акылга зәгыйфь Казан кешесе подъезда 9 яшьлек мәктәп укучысын мәсхәрәләгән. Бу хакта Татарстан прокуроры өлкән ярдәмчесе Руслан Галиев хәбәр итте.

Тикшерү мәгълүматлары буенча, 3 гыйнварда ир-ат Мәскәү районы йортларының берсендә укудан кайтучы мәктәп укучысының артыннан күзәтеп килгән.

Суд-психиатрия экспертизасы 35 яшьлек казанлының акылга зәгыйфь икәнлеген һәм озак вакытлы дәвалану кирәклеген теркәгән.

Тоткарланучыга карата “Ундүрт яше тулмаган кешегә карата сексуаль характердагы көчләү гамәлләре” маддәсе нигезендә җинаять эше кузгатылган. Ир-атка медицина характерындагы мәҗбүри чара куллану өчен эш судка юлланган.