Аллам сакласын: тугыз яшьлек малай үзе генә балыкка киткән һәм батып үлгән
Аның мәетен авылдашлары судан чыгарган.
Чирмешән районы Күтәмә авылында 9 яшьлек малай елгада батып үлгән. Аның мәетен авылдашлары судан чыгарган. Бу турыда кичә 23.05 сәгатьтә ашыгыч хезмәтләрне бердәм чакыру 112 номерына хәбәр иткәннәр.
«Татар-информ»га Россия Гадәттән тыш хәлләр министрлыгының Татарстан Баш идарәсендә хәбәр итүләренчә, якынча белешмә буенча, 9 яшьлек малай көндез үзе генә Күтәмә елгасына балыкка киткән һәм әйләнеп кайтмаган.
Баланы авылдашлары, полиция һәм 73нче янгын сүндерү часте хезмәткәрләре эзләргә чыккан. Алар малайның әйберләрен яр буенда күреп алганнар. Аннары һәлак булган баланың мәетен елгадан табалар.
Бала су коенырга теләгән булуы ихтимал. Әмма ул суда бата башлаган, кызганычка, аның янында ярдәм итүче булмаган.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев