Балаң тәмәке тартса,..

Балаң тәмәке тартамы – 7 мең сумыңны чыгарып сал..

       Илебездә тәмәке тартучыларга карата кануннар катгыйлана бара. Дәүләт Думасының яшьләр политикасы комитеты җитәкчесе Артем Метелев хәбәр итүенчә, Думада яңа закон кабул ителү алдында тора. Аның буенча, тәмәке тарту кагыйдәләрен ике тапкыр бозган сәүдә нокталарының эше 90 көнгә кадәр туктатылырга мөмкин. Яше җитмәгән балаларга тәмәке сатучыларга җинаять җаваплылыгы каралган. Тиешсез урында тәмәке тартасың икән – 15 мең сум штраф, ә инде балалар уйный торган мәйданчыкта төтен чыгарасың икән, бу очракта штраф суммасы 30 мең сум булачак. Балаң 16 яшьтән яшьрәк килеш тәмәке тарта икән, ата-ана бу очракта 7 мең сумга якын штрафка тартылырга мөмкин. Димәк, очраклы рәвештә булса да, тәмәке белән шаяру яхшыга илтмәячәк.