Баланы самокат белән кыйнаган...

Татарстанның Чистай шәһәрендә башка сыймаслык хәл булган. Вакыйга видеокүзәтү камерасына эләккән.

Язмадан күренүенчә, Вахитов паркындагы эскәмиядә дүрт бала утыра. Шулвакыт алар янынан узып баручы малай, тегеләр нәрсәдер әйткәнгә булса кирәк, туктап кала. Кадрда бер хатын пәйда була һәм ул эскәмиядә утырган малайларның берсен йодрыклары белән төя башлый. Балалар качыша башлагач, хатын тимер самокатны эләктереп ала һәм теге малайны бәргәләргә тотына.

Бәхеткә, бу вакытта узып баручы ир адекват булмаган хатынны туктата. Хатын-кызның агрессив тәртибенең сәбәпләре әлегә билгеле түгел. Бу хәлне хокук саклау органнары хезмәткәрләре тикшерәчәк, дип яза Кызыл таң.

Фото:mk.ru

Автор: Юлия Төхбәтуллина