Балтачның эчке эшләр бүлеге башлыгы Путилин медале белән бүләкләнде

Җинаятьчелеккә каршы көрәштә һәм җинаятьләрне ачу, эчке эшләр органнарында квалификацияле кадрлар әзерләүдә зур өлеш керткәне өчен Балтач районы Эчке эшләр бүлеге башлыгы, полиция подполковнигы Илдар Котдус улы Усманов Россия Федерациясе Эчке эшләр министрлыгының И. Д. Путилин медале белән бүләкләнде. 

И. Д. Путилин медале Россия Федерациясе Эчке эшләр министрлыгы хезмәткәрләренә җәмәгать иминлеген тәэмин итүдә һәм хокук тәртибен саклауда зур хезмәтләре өчен бирелә торган югары бүләк.

Путилин медале аерым статуска ия һәм полициядә һәм хокук саклау системасының башка структураларында иң мактаулыларның берсе булып санала.