Башта картәнисен атып үтергән...

Түбән Новгород янындагы Большеорловский бистәсендә кичә бер егет өч кешене атып үтергән. Тикшерү комитетының Түбән Новгород өлкәсе буенча тикшерү идарәсе хәбәр иткәнчә, шулай ук ике хатын һәм бер ир зыян күргән, алар ату җәрәхәтләре белән дәваханәгә китерелгән.

- Өч кешене үтерү факты буенча Русия Җинаять кодексының 105 мәддәсе буенча җинаять эше кузгатылган, - дип хәбәр итәләр Тикшерү комитетында.

Вакыйга урынында тикшерү төркеме эшләгән. Полиция атучының шәхесен ачыклый. Әлегә аның турында шаһитлар сүзләреннән шул гына билгеле: ул - әбисенә кунакка килгән 18 яшьлек егет. Аның белән ихатада талашканнан соң ул ут ачкан. Ярдәмгә килгән күршеләрен дә атып үтергән. Аннары тукталыш ягына китеп, тагын бер кешенең җанын кыйган, калганнарын яралаган. Аның үзе белән ике мылтыгы булуы билгеле.

Яраланучыларның берсе бик авыр хәлдә, дип яза Кызыл таң.

Фото: kp.ru

Автор: Резеда Галикәева