Бөгелмәдә кибет хужасы һөҗүм иткән ике кешене үтерә

Бөгелмә шәһәрендә 12 сентябрь иртәсе коммерсант, кибет хуҗасы N.га һәм аның гаиләсенә бик хәерле башланмый. Аның өенә иртә баштан 2 ир-ат бәреп кереп, хатыны белән бергә бәйләп салалар, өченче ир-ат исә тышта, машинада үзенең дусларын көтеп кала. Бәйләгәннән соң өйдә куелган сигнализация эшли башлавын күреп, аны сүндерү өчен хужаның кулларын чишәргә мәҗбүр булалар. Шул вакытта хужа ир-ат өстәлдәге пычакны эләктереп, һөҗүм итүчеләргә ташлана, эләгеш вакытында аларны каты яралый. «Ашыгыч ярдәм» машинасы килгәнче алар инде җан тәслим кылган булалар, коммерсант үзе дә яралар ала, әмма гаиләсен яклап кала ала. Бу вакыйга барганда тышта калган ир-ат качарга мәҗбүр була. Хәзерге вакытта аны эзлиләр.

Фото: pixabay.com/ru