Чаллыда өлкән яшьтәге ир белән хатынны үтергән ир-атны тоткарлаганнар
75 һәм 70 яшь ир белән хатынны аларның өендә эшли торган кеше үтергән һәм хуҗаларның машинасына утырып качмакчы булган.
Чаллыда яшәүче ир-ат өлкән яшьтәге ир белән хатынны үтергән. Бу турыда «Татар-информ» агентлыгына үз чыганагы хәбәр итте.
Җинаятьче ир-атны тоткарлау вакытын узып баручы автомобиль йөртүчеләр видеога төшергән.
«Җинаять урынына Чаллы прокуроры Дмитрий Ерпелев барган. Үтерүдә шикләнелүче ир-ат тоткарланган. Фаҗига сәбәпләре ачыклана», — дип хәбәр итте агентлыкка Татарстан прокурорының өлкән ярдәмчесе Руслан Галиев.
«Ир белән хатынга 75 һәм 70 яшь булган. Аларның мәетләрен Чаллыда Тургай урамындагы шәхси йортларның берсендә тапканнар», — дип сөйләде «Татар-информ» га Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий.
Үтерүче ир-ат өлкән яшьтәге парның йортында эшләгән. Ул утырып качарга теләгән автомобиль мәрхүм әби белән бабайныкы булган. Моннан тыш оперативниклар машинада пычак һәм чүкеч тапкан.
Җинаять урынында тикшерүчеләр эшли, «Ике яки күбрәк кешене үтерү» маддәсе буенча җинаять эше ачылган.
Тулырак: ТИ
Фото: видеодан скриншот
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев