Кредит алам дип, 200 мең сум акчасын урлаткан
Аферистлар, акча алу өчен документлар һәм курьер хезмәте өчен түләргә кирәк дип, алдаган.
(Казан, 25 июль, “Татар-информ”). Чистайда яшәүче хатын-кыз, кредит алам дип, 200 сум акчасын урлаткан. Бу хакта “Татар-информ”га Татарстан буенча Эчке эшләр министрлыгының матбугат хезмәтендә хәбәр иттеләр.
“15 июльдә әлеге хатын-кызга билгесез ир-ат шалтыраткан, үзен банк хезмәткәре дип таныштырган һәм аңа кредит бирүне хуплаганнарын хәбәр иткән. Ләкин аны алганчы документлар тутыруга комиссия һәм курьер хезмәте өчен түләргә кирәклеген әйткән”, - диделәр матбугат хезмәтендә.
Хатын-кыз тәкъдимне кулдан ычкындырмас өчен, мошенниклар күрсәткән счетка 200 мең сум акча күчергән. Шуннан соң аферистлар элемтәгә чыгудан туктаган, ә зыян күрүче полициягә мөрәҗәгать иткән.
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев