Прокуроры урынбасары Норма мәктәбенә ни өчен килгән?

Балтач районы прокуроры урынбасары Динар Низамов Норма урта  мәктәбенең 5-11 сыйныф укучылары алдында "Куркынычсызлык, терроризм һәм экстремизмга каршы көрәш" айлыгы кысаларында чыгыш ясады.
Күзәтчелек производствосы вәкиле укучыларга балигъ булмаганнарның җинаять җаваплылыгына кагылышлы җинаять законнары нормасын аңлатты.
Чыгыш ясаганда террорчылык һәм экстремизм өлкәсендә җинаятьчел кул сузуларны профилактикалауга аерым игътибар бирелде.  
Ахырда прокуратура вәкиле укучыларның сорауларына җавап бирде.