Путин ай азагына кадәр түләүле ял көннәрен игълан итү турындагы указга кул куйды
Указ өзлексез эшләүче җитештерү өлкәсенә, шулай ук халыкны беренче чираттагы кирәкле азык-төлек һәм товарлар белән тәэмин итә торган оешмаларга кагылмый.
(Казан, 2 апрель, «Татар-информ»). Россия Президенты Владимир Путин илдә коронавирус таралуын профилактикалау максатыннан 30 апрельгә кадәр түләүле ял көннәре игълан итү турындагы указга кул куйды. Документ тексты Кремль сайтында урнаштырылган.
«Яңа коронавирус йогышы (Covid-19) таралуга бәйле рәвештә, Россия Федерациясе территориясендә халыкның санитар-эпидемиологик иминлеген тәэмин итү максатында, Россия Федерациясе Конституциясенең 80 маддәсе нигезендә, 2020 елның 4 апреленнән 30 апреленә кадәр, эшчеләрнең хезмәт хакын саклап калып, эшләми торган көннәр итеп билгеләргә карар бирәм», — дип китерелә Путин указында.
Төбәк җитәкчеләренә чикләү чаралары булган территорияләрне ачыклау, халык һәм транспорт чаралары хәрәкәтенең аерым тәртибен билгеләү күрсәтмәсе бирелде.
Указ хакимият органнарына, медицина оешмаларына, өзлексез җитештерү булган предприятиеләргә, шулай ук халыкны беренче чираттагы кирәкле азык-төлек һәм товарлар белән тәэмин итә торган сәүдә нокталарына кагылмый.
Фото: kremlin.ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев