Смартфон сатып ала алмагач, кибетне талаган
Уфада 39 яшьлек ир-егет көпә-көндез кәрәзле телефоннар кибетен талаган.
Ул кибеткә битлек киеп килеп кергән. Кулындагы пычагы белән сатучыны куркытып, кассадагы барлык акчаны алып чыгып киткән. Ә анда бу вакытта ярты миллион сум булган.
Бераз һуш җыйгач, сатучы полициягә шалтыраткан. Хокук сакчылары, видеоязмаларны карап, кибеттә тикшерү эшләре үткәреп, талаучының шәхесен тиз арада ачыклаган.
39 яшьлек ир-егет бу кибеткә берничә тапкыр кергән булган. Ул үзенә кредитка кыйммәт смартфон алырга теләгән. Тик биредә аның теләген кире какканнар. Ачуы кабарган ир-егет кибетне таларга карар иткән.
Полиция вәкилләре өенә килгәч, ул үз гаебен тулысынча таныган.
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев