Социаль фонд кемнәргә пособиене вакытыннан алда күчерә
Вакытыннан алда түләү акчаларны күчерүнең бердәм көне — айның 3 нче числосы.
Социаль фонд йөкле хатын-кызларга һәм балалы гаиләләргә пособиене вакытыннан алда күчерә
Татарстанның Социаль фонды вакытыннан алда — 1 сентябрьдә — 17 яшькә кадәрге балалары булган гаиләләргә һәм йөкле хатын-кызларга бердәм пособие күчерәчәк. Бу турыда Казан мэриясе хәбәр итте.
Моннан тыш, графиктан ике көнгә иртәрәк республика халкы беренче бала тууга бәйле рәвештә түләүләрне, чакырылыш буенча хәрби хезмәткәрнең баласына һәм 8 яшьтән 17 яшькә кадәрге балаларга пособиеләрне алачак (элек билгеләнгән түләү).
Вакытыннан алда түләү акчаларны күчерүнең бердәм көне — айның 3 нче числосы — сентябрьдә якшәмбегә туры килү белән бәйле, дип аңлатты Татарстан буенча Россиянең Берләшкән социаль фонды идарәчесе башлыгы Эдуард Вафин.
1 сентябрьдә Татарстанда 211 меңнән артык балага пособие күчереләчәк, дип хәбәр итә ведомствоның матбугат хезмәте.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев