Татарстанда 130 продуктта игълан ителмәгән антибиотиклар табылган

Татарстанда 130 продуктта эксперт яңа буын җиһазлары ярдәмендә игълан ителмәгән антибиотиклар табылган, әлеге аппаратлар  антибиотиклар, пестицидлар һәм микотоксиннарга лаборатор тикшеренүләр үткәрүне киңәйтергә мөмкинлек бирә. Бу хакта «Татар-информ» мага Роспотребнадзорның ТР идарәсе матбугат хезмәтендә сөйләделәр.

Быел «Демография» милли проекты буенча Татарстан Республикасында гигиена һәм эпидемиология үзәге лабораториясенә гомуми бәясе 130 млн.сум булган 24 берәмлек лаборатория җиһазлары, шул исәптән алты югары технологияле үлчәү чарасы куелды.

"Хәзерге вакытта гигиена һәм эпидемиология үзәге лабораториясе югары технологияле җиһазлар ярдәмендә продуктларда антибиотиклар, микотоксиннар һәм пестицидларны фаш итүче тикшеренүләргә кереште инде. Шулай итеп, хайваннар продукциясендә антибиотикларның 130 кушылмасын билгеләү мөмкин булды», — дип билгеләп үттеләр матбугат хезмәтендә.

Ведомствода продуктларда антибиотиклар кешенең аларга каршы торучанлыгын арттыра, дип сөйләделәр - бу глобаль проблема. Шуңа күрә кулланучылар хокукларын яклау һәм кеше иминлеге өлкәсендә күзәтчелек федераль хезмәте өчен татарстанлылар ашый торган чимал һәм продуктларда антибиотикларның рөхсәт ителгән дәрәҗәләрен һәм бактерияләрнең антибиотикларга каршы торучанлыгын даими тикшерү мөһим бурыч булып тора.

Ноябрь аенда гигиена һәм эпидемиология үзәге лабораториясе хезмәткәрләре Бангладештан кертелгән креветкалар һәм Төркиядән дорадо балыкларын тикшергән. Тикшерү нәтиҗәләре буенча, алынган үрнәкләрдә ачыкланган антибиотикларны тапмаганнар.

"Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы буенча идарәсе республиканың кулланучылар базарында сатыла торган азык-төлек продуктларына һәм сыйфатына мониторинг ясауны дәвам итәчәк", - дип тәмамлады республика ведомствосының матбугат хезмәтендә.

Тулырак мәгълүмат: ТИ

Фото: Владимир Васильев