“Үтерәм!”, дип әйтә күрмә...

Күрше белән күрше талашканда бер-берсенә нинди генә сүз әйтмәс тә, бер-берсен ничек кенә рәнҗетмәс, үтерәм, дигәне  дә чыгып китәргә бик мөмкин. Барысын да исәпкә алып утырсаң, чыннан да, полициягә кадәр барып җитәрсең. Әнә, Балтач бистәсендә яшәүче Ф. да күршесе А.ишегалдында үлем белән янады дип мөрәҗәгать итә. Әлбәттә, әлегә тикшерү эше бара, ялгыш авыздан чыгып киткәнме, әллә бөтенләй дә әйтелгән-әйтелмәгәнме, анысын хокук сагындагылар тикшерер, әмма шуны искәртәсе килә, ике килешмәгән күрше  көннәрдән -беркөнне аерылмас дуска әйләнергә мөмкин. Андый очраклар аз түгел, истә тотыйк, сүзгә килгәндә дә җөмләләрне уйлап әйтик, соңыннан бер-берегезнең күзенә карарга оят булмасын.