Тәмәке тартучыларга көн бетә!
Киләсе елның беренче гыйнварыннан тәмәке тартучыларга яңа чикләүләр белән очрашырга туры киләчәк. Һәрхәлдә, бу җәһәттән закон катылана.
1 гыйнвардан медицина учреждениеләрендә, сәүдә нокталарында, база һәм складларда тәмәке көйрәтергә ярамаячак. "Тәмәке тарту урыны" дигән язу беркетелгән махсус урыннардан башка. Ә предприятие җитәкчеләре бинада янгын хәвефсезлеге инструкциясен һәм тәмәке тарту тыелу турында белдерүләр элеп куярга тиеш.
2013 елдан илебездә уку йортлары, мәдәни, спорт, дәүләт органнары , социаль хезмәтләр күрсәтү учреждениеләрендә, балалар уен мәйданчыкларында, пляжларда тәмәке тарту тыелды. Вокзал, аэропорт, диңгез һәм елга портларыннан исә 15 метр ераклыкта гына тәмәке кабызу ярый,дип яза Кызыл таң.
Ә иң яхшысы - тәмәке тарту һәм башка яман гадәтләрне иске елда калдыру һәм сәламәт яшәү рәвешен сайлау!
Фото: pixabay.com/ru
Автор: Миләүшә Латыйпова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев