Кеше һәм закон

Васил Вәлиев контракт нигезендә хезмәт итүнең нечкәлекләре турында сөйләде

Баш мөхәррир, 14 апрель 2023 - 10:56

765

Балтач район хәрби комиссары Васил Вәлиев хәрби көчләргә контракт нигезендә хезмәт итүчеләрне тарту буенча чыгыш ясады.

Васил Вәлиев контракт нигезендә хезмәт итүнең нечкәлекләре турында сөйләде

Бүгенге оешма, хуҗалык җитәкчеләре катнашында узган җыелышта Балтач район хәрби комиссары Васил Вәлиев чыгыш ясады.

Аның чыгышы хәрби көчләргә контракт нигезендә хезмәт итүчеләрне тарту буенча иде.

Контракт нигезендә хезмәт итү өчен

1. Документларны сайлап алу пунктына яки хәрби комиссариатка үзегез барып, почта яки телефон аша тапшырырга мөмкин.

2. Минобороны России сайтында ( службапоконтракту.рф) гражданинның шәхси кабинет аша тапшырырга мөмкин.

3. Госуслуги.рф бердәм дәүләт порталында “Стать добровольцем или контрактником» электрон сервис аша тапшырырга мөмкин.

Контракт буенча кайнар линия телефоны – 117.

Кандидатларга таләпләр:

18 яшьтән алып;
сәламәтлеге буенча яраклы.

Ниләр эшләргә кирәк?

1. Документларны сайлап алу пунктына яки хәрби комиссариатка тапшырырга.

2. Сайлап алу пунктында психолог белән әңгәмә үтәргә.

3. Хәрби комиссариатта медицина тикшерүе узарга.

4. Барлык чараларны да үткәч, яраклы дип танылгач, хезмәт урынына китәргә боерык алып, хәрби частька барырга.

5. Хәрби часть белән контракт төзергә.

Нинди документлар кирәк?

автобиография һәм анкета (формасы службапоконтракту.рф сайтында)
паспорт;
военный билет (әгәр булса);
язылышу турында таныклык, балаларның туу турында таныклыгы (әгәр булса);
белем турында документ.

Контракт 1, 3 һәм 5 елга төзелә.

Контракт буенча хезмәт итүчегә түләү тәртипләре:

* 1 ел һәм аннан да күбрәк вакытка контракт төзегәндә бер тапкыр бирелә торган 195 мең сумлык түләү.

Махсус хәрби операциядә катнашучыларга нинди түләүләр каралган?

* аена 204 мең сумнан башлап( хәрби исеме, вазыйфа һәм хезмәт иткән еллар санына карап)