Зәйдә һәйкәлгә ут төрткән балаларны эзләп тапканнар

Полиция хезмәткәрләре Зәйдә һәйкәлгә ут төртүдә шикләнелгән яшүсмерләрне тапкан.

Эчке эшләр министрлыгының Татарстан буенча идарәсендә хәбәр итүләренчә, ут төртүдә шикләнелгән балаларны эзләп табу өчен, полиция хезмәткәрләре Зәй мәктәпләренә барган.

«Татар-информ» кичә Зәйдә Җиңү бульварындагы «Азат итүче сугышчы» һәйкәле януын хәбәр иткән иде. Янгын дүрт яшүсмернең ут белән уйнавы аркасында килеп чыккан. Ут төртү мизгеле видеога эләккән.

Әлеге факт буенча «Хәрби һәйкәлләрне юкка чыгару» маддәсе нигезендә җинаять эше ачылды.

Тулырак: ТИ