ГӨЛҖӘҮҺӘР ШӘМСЕМӨХӘММӘТ кызы ХИСАМОВАның 60 яшьлек юбилее

Мәрхәмәтле, сабыр холыклы, туганчылыклы, ярдәмчел апабыз! Сине юбилеең белән ихлас күңелдән котлыйбыз.
Үткән гомер, аккан сулар кебек сизелми дә калган. 3 кызыгыз үсеп, матур тормыш юлы сайладылар. 5 оныгыгыз әби-бабай дип өзелеп торалар. Чәчләреңә бераз чаллар керсә дә, син моннан 37 ел элек безнең йортка килен булып төшкәндәй матур, яшь, чибәр. Кирәк чакта юата да, тыңлый да, аңлый да беләсең. Зирәк киңәшләрең, җылы сүзләрең тормышыбызда гел ярдәм итеп торалар. Әти-әниебезне хөрмәт итеп, тәрбияләп соңгы юлга озатучылар да, барлык туганнарыбызны ачык йөз белән каршы алучылар да сез булдыгыз. Без сезгә олы рәхмәтебезне белдерәбез һәм сезнең алда үзебезне бик зур бурычлы дип саныйбыз.Абыем Илфак белән бергә, балаларыгызның иң кадерле әнисе
булып, оныкларыгызның яраткан әбисе булып, саулыкта, муллыкта озын, тыныч, бәхетле гомер кичерергә язсын.

Авыртмасын саның, сыкранмасын җаның,
Якты йөзең һаман яктырсын.
Ходай сезгә картлык көннәрендә
Рухи өмет, шатлык арттырсын.

Олы ихтирам белән, сине яратып, Рамил-Сабира, Ләйлә-Илдус, Әдилә, Әмилә, Ленара-Илгизәр, Аиша. Бу теләкләргә Ильяс абыйлар гаиләсе, мәрхүм Илдар абыйлар гаиләсе дә кушыла. http://boombob.ru/img/picture/Oct/02/795bd7da613655dc150a6dac4c1f9eb2/11.jpg