Хезмәттәшебез ТӘНЗИЛӘ ШАМИЛ кызы СӘГЪДИЕВА 12 февраль көнне 60 яшьлек юбилеен билгеләп үтә.

Хөрмәтле хезмәттәшебез! Сезне олуг юбилеегыз белән ихлас күңелдән котлыйбыз. Гомерегезнең 41 елын хисап эшенә багышлап, шуның 25 елын Рәхимов исемендәге җәмгыятьтә баш хисапчы булдыгыз. Үз эшегезне зур осталык белән күңел җылыгызны биреп башкаруыгыз, тырыш һәм үҗәтлегегез, тынгысыз һәм үткен телле булуыгыз коллективта дан алырга мөмкинлек бирде. Мәрхәмәтле йөрәгегез бервакытта да сырхау белмәсен, тормышыгыз рәхәтлектә үтсен. Бүгенгедәй шат елмаеп, бәхеткә күмелеп, тынычлыкта, муллыкта, иман байлыгы белән яшәргә язсын Сезгә.