Кадерле абыебыз ВЛАДИМИР ГЕРМАНОВИЧ СЕМЕНОВНЫҢ 1 гыйнварда олуг юбилее

Абыебыз, сине бәйрәмең белән ихлас күңелдән котлыйбыз. Сиңа алдагы гомер юлыңда нык сәламәтлек, тыныч, имин тормыш, кызларың-кияүләреңнең игелеген күреп, оныкларыңның яратуын тоеп, Зинаида апа белән гел шулай пар канатлардай тигез, матур, озак яшәвеңне телибез. Без - туганнарыңа, шәфкатьлелек үрнәге күрсәтеп, яшәү өчен терәк, таяныч булып торасың. Олы абыебыз буларак гел синең киңәшләреңә, ярдәмеңә таянабыз. Тырышлыгың, булганлыгың, үҗәтлегең, дөреслегең, үз һөнәреңне яхшы белүең белән авылдашларың һәм туганнарың арасында ихтирам казандың. Алга таба да туганлык җепләрен өзмичә, матур тормышта яшә.