Яңгул авылында яшәүче бик кадерле кешебез Сәлимә Габделхакованың 10 октябрьдә күркәм юбилее.

Кадерле Әниебез, 55 яшьлек юбилеең белән ихлас күңелдән котлыйбыз. Бүген барыбыз өчен дә якты, илаһи зур бәйрәм. Җир йөзендә әнидән дә якын, әнидән дә рәхимле, мәхәббәтле, әнидән дә олы җанлы зат юктыр. Дөньяның рәхәтен, тормышның михнәтен, күңелнең сафлыгын, намусның пакълыгын аңларга өйрәтүче, үз җаны аша уздырып, күкрәк сөте белән Иман иңдерүче Әни. Без сырхаулап ятканда, күкрәгенә кысып, "җан җимешем, балам" дип, чын күңелдән борчылучы әниебез.Син булмасаң, без оясыз кош, моңсыз җыр, җырсыз сандугач кебек яшәр идек, тормышыбызның яме дә, тәме дә булмас иде. Аллаһының мең рәхмәте яусын сиңа. Хәерле озын гомер, тән сихәтлеге, саулык, күңелеңдәге җан җылысының нуры сүнмичә, сүрелмичә әтиебез белән пар канатлар булып, без балаларыңа, оныкларына яшәеш чыганагы булып торуыңны телибез.Гел шундый якты йөзле, изге күңелле, сабыр йөрәкле булып кал! Без синең белән горурланабыз! Без сине яратабыз!!!