Балтач әфганчыларын кемнәр котлады? (фото, видео)

Моннан 34 ел элек ерак Әфганстан җиреннән ил куйган бурычларын намус белән үтәп, соңгы совет солдаты чыгарылды. Шуңа да бу көн әфганчылар өчен бик кадерле — бу дата алар өчен Туган илгә кайту көне!

Районыбызның әфганчылары ел саен 15 февраль көнне һәйкәл янына митингка очрашуга, сугышта һәлак булган иптәшләрен искә алырга җыела.

Быелгы чарада хөрмәтле кунаклар да катнашты. Әфганчыларны истәлекле көн белән районыбызга эшлекле сәфәр белән килгән Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Әхмәтов, Татарстан Республикасы Дәүләт Советы депутаты Камил Нугаев һәм район башлыгы Рамил Нотфуллин  котлады.