Балтачның ел хатын-кызлары Казанда бүләкләнә (фото)
Татарстан Республикасы Президенты ярдәме белән узучы «Ел хатын кызы» бәйгесендә ел саен райондашларыбыз актив катнаша.
Быел да зона этабында Балтач урта мәктәбе директоры Гөлчәчәк Гыйләҗева «Әйдәүче хатын-кыз”, Нөнәгәр авылыннан Нурия Гарифуллина “Өлкән буын хатын-кызы” номинациясендә җиңү яуладылар. Яңгул мәдәният йорты җитәкчесе Гөлнара Сабирова “Мәдәният һәм рухият” номинациясендә махсус диплом белән бүләкләнде. Бүген әлеге күркәм ханымнар башкалабыз Казанда - Салих Сәйдәшев исемендәге Зур концертлар залында, тәбрикләү тантанасында. Делегация составында Россия Герое Олег Исаевның әнисе Вера Исаева, Кече Лызи урта мәктәбенең удмурт теле һәм әдәбияты укытучысы Наталия Антонова, район хатын-кызлар оешмасы рәисе Фирая Хәкимҗанова да бар. Әлеге уңган, күркәм, мәрхәмәтле ханымнарны 8 март көнне районда узачак бәйрәм чарасында да район җитәкчелеге котлаячак.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев