Балтачта Гадәттән тыш хәлләр һәм янгын куркынычсызлыгы буенча комиссиянең киңәйтелгән утырышы булды
Көн тәртибендә бер мәсьәлә каралды: халкыбызның милли бәйрәме - Сабантуй көннәрендә торак пунктларда, авыл хуҗалыгы объектларында, предприятие һәм оешмаларда янгын куркынычсызлыгын тәэмин итү буенча конкрет чаралар күрү.
Шушы елның 7 июне көнне иртәнге сәгать 8дән башлап 10 июньдә иртәнге 8 сәгатькә кадәр янгынга каршы көрәш хезмәте оешмалары көчәйтелгән режимда эшләргә бурычлы. Һәр авылда, предприятие, оешмаларда су запасы, ком һәм янгынга каршы көрәшү өчен кирәк булырдай кораллар (балта, көрәк, багор...) булырга тиеш. Су алу урыннарына юллар машина үтәрлек булсын. Гомумән, бәйрәмнәр тыныч узсын дисәк, алдан ук барлык саклану чараларын да күрергә кирәк.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев