Балтачта 12 фатирлы йорт төзи башладылар

Өч катлы, бер подъездлы, 12 фатирлы йорт Дәүләт торак фонды инвестицияләре хисабына Балтач бистәсенең Каенлык урамы, 2а адресы буенча төзеләчәк.

Йорт 6 бер бүлмәле һәм 6 ике бүлмәле фатир булачак. Барлык фатирлар да кулланылышка әзер булгач тапшырылачак.  Аларда газ приборлары, сантехника, су, газ һәм электр энергиясен исәпкә алу исәпләгечләре урнаштырылачак. Шулай ук фатирларда газ анализаторлары урнаштырылачак.

Фатирлар Балтач районы гаиләләре арасында уйнатылачак. Аларга бюджет өлкәсе, программаны финанслаучы предприятиеләр, ятим балалар һәм яшь гаиләләр дәгъва итә ала.

Татарстан Республикасы Президенты Рөстәм Миңнеханов билгеләп үткәнчә, иң мөһиме — тормыш юлының башында, гаилә корганда, кешегә үз почмагын булдырырга мөмкинлек бирергә кирәк. Йорт төзелеше район гаиләләренә уңайлы торак алырга мөмкинлек бирәчәк. Бу исә республика буенча гамәлгә ашырыла торган «Торак һәм шәһәр мохите» милли проектының төп максатларының берсе булып тора.