Сабантуйлары белән! Рәсәй көне белән сезне, хөрмәтле райондашлар!

Хөрмәтле райондашлар! Килгән кунаклар! Сезне район Советы, район баш­карма комитеты, шәхсән үз исемемнән милли бәйрәмебез – Сабантуйлар һәм дә район сабантуе белән бер көнгә –12 июньгә туры килгән Рәсәй көне белән ихластан тәбрик итәм.

Бәйрәмнәрне һәрберебез көтеп ала. Хезмәт сөючән, киң күңелле, кунакчыл халкыбыз аңа ел буе әзерләнә. Моның шулай икәнлеге хезмәттәге ирешкән уңышларыбызда, алга барган тормыш-көнкүрешебездә чагылыш таба. Авыл хуҗалыгында, сәнәгатьтә, төзелештә, социаль өлкәдә иреш­кән уңышларыбыз күңелләргә бәйрәм рухы өсти. Сабантуйлары да, Рәсәй көне дә иң халыкчан бәйрәмнәребез алар. Бигрәк тә күпмилләтле Татарстаныбыз һәм дә районыбыз өчен! Көтеп алган бәйрәмнәрдә һәркем үзенә күңел күтәренкелеге алсын, хал­кыбызның бай мәдәниятенә сокланып, ел буена җитәр­лек көч-куәт тапсын! Милләтләр дуслыгы ныгысын, ватанпәрвәрлек хисе көчәйсен! Һәрбер өйгә, һәрбер гаиләгә шатлык-сөенечләр насыйп итсен! Балаларыбыз да, өлкәннәребез дә сау-сәламәт булсыннар. Бәйрәм тәэсирләре белән башланып киткән ямьле җәйләребезне күңелле үткәрик, киләчәк көннәргә көч-куәт туплап, басу-кырларыбызда мул уңыш үстерик. Илләребез тыныч, дөньяларыбыз имин булсын! Барыгызга да ихлас күңелдән нык сәламәтлек, бәхет, иминлек, иртәгәге көнгә ышаныч һәм игелекле эшләрегездә яңа уңышлар телим!

Рамил Нотфуллин,

Балтач муниципаль районы башлыгы