“Хезмәт”ебез һәрбер йортка килсен!!!!

Бүген тормышыбызда яңалыклар да, мәгълүмат чаралары да  күп һәм алар шулкадәр оператив эшли –  кирәклесе дә, кирәкмәгәне дә  минутлап һәр кешегә ирешә бара. Менә шушы чорда яхшыны яманнан аерып ала белергә өйрәтүдә, тирә-юнебездәге кешеләрдә иман ныклыгы, бер-беребезгә ышаныч-хөрмәт тәрбияләүдә яңача нәшер ителүче “Хезмәт” газетасы һәрберегезгә ярдәмгә килергә әзер. Район газетасы икән, димәк, “һәр сыердан савылган сөт турында язма гына”  дигән иске карашны җимереп, райондашларыбызны кызыксындырган төрле темалар, үрнәк кешеләр турында язарга тырышабыз. Яңа сәхифәләрдә һәр өлкәгә иҗади якын килеп, укучыларыбызның бер генә соравын, мөрәҗәгатен дә игътибарсыз калдырмыйбыз. Бер генә теләгебез бар: “Хезмәт”ебез һәрбер йортка килсен иде! Язылу бәясен дә үзгәрешсез калдыра алдык – алты айга 648 сум. Бер, ике..., дүрт айга да язылырга мөмкин. Укып карагыз әле, фикерләребезнең, юнәлешебезнең уртак булуын  аңларсыз, якын дустыбызга әйләнерсез...

Ихтирам белән, “Хезмәт”леләр.