Тәбрикләү сүзе

Сезне барыгызны да изге Корбан бәйрәме белән котлыйм! Ислам мәдәниятенең күпьеллык традицияләренә нигезләнгән әлеге бәйрәм кешелекнең шәфкать, игелек кебек тиңсез рухи хәзинәләрен чагылдыра, дин тотучыларның иманын ныгыта, әхлакый чисталыгын сак-лый. Ислам диненең иң яхшы гореф-гадәтләрен саклап һәм үстереп, җәмгыятьтә югары әхлакый кыйммәтләр урнашуга омтылуыбыз милләтне рухи камиллеккә өнди, динле кешеләрнең үзара бердәмлеген тулыландыра. Барлык диннәргә тигез караш тарафдарлары буларак, мөселман дин кардәшләре халыкның гасыр буе тупланган бай мирасын яңарту һәм баету, төрле дин вәкилләре һәм гражданнары арасында дуслык — татулыкны ныгыту юнәлешендә хезмәтләрен киләчәктә дә дәвам итәрләр дип ышанам.

Изге Корбан бәйрәме көнендә кылган догаларыгыз, игелекләрегез кабул булсын, изге ниятләрегез һәм якты хыялларыгыз тормышка ашсын. Күңелләрегезгә иман нуры, гаиләләрегезгә иминлек, мәхәббәт хисләре иңсен. Барчагызга да саулык-сәламәтлек, бәхетле озын гомер, бәрәкәтле тормыш телим!

Рамил Нотфуллин,  Балтач муниципаль районы башлыгы.