Тәбрикләү сүзе!

Хөрмәтле христиан динен тотучылар һәм Пасха – Олы көн бәйрәмен билгеләп үтүче барлык балтачлылар!
Сезне Олы көн уразасы тәмамлану һәм Христосның яңадан терелү көне белән чын күңелдән котлыйм!
Районыбыз территориясендә күпмилләтле мәдәни мирасны торгызу буенча шактый зур эшләр алып барыла. Муниципаль, иҗтимагый һәм дини оешмаларның уртак тырышлыгы киләчәк буын өчен үткәннәр ядкарен саклап кына калмыйча, җәмгыятебездә тынычлык һәм татулык нигезе булып торган рухи гореф-гадәтләребезне үстерергә дә мөмкинлек бирер дип ышанам.
Чын күңелемнән язгы Пасха көннәренең туганнарыгыз һәм якыннарыгыз белән аралашу шатлыгы аша йөрәкләрегезне җылытуын телим. Әлеге якты бәйрәм һәрбер йортка бәхет һәм уңышлар алып килсен, игелекле эшләргә рухландырсын һәм яңа биеклекләргә ирешү өчен көч өстәсен!

Рамил НОТФУЛЛИН
Балтач муниципаль районы башлыгы