Балачакны сагынып

Карлар эреп җирләр чыгу белән
Чаба идек юеш болынга
Нинди генә уен уйнамадык
Истә тугел инде барсы да

Каз сакладык, сарыгын да көттек.
Чыптасын да суктык ул чорда.
Бала чагым калды минем
Шул кечкенә авылда.

Авылымның инешләре
Бик тирән кебек иде,
Каз үрдәкләр белән бергә
Шунда коена идек.

Мәктәп безнең күрше авылда иде
Җәяү йөрдек шунда көн саен.
Басу буендагы ак каеннар
Озатып кала иде моңаеп.

Шул тузанлы юллар буйлап
Кабат йөрергә иде
Шунда калган балачакны
Кайтып күрергә иде.

Ольга Ризванова.