Безнекеләр “Созвездие-Йолдызлык” фестивальләрен яулый

Яшь биючеләребез Казанда үтүче "Созвездие-Йолдызлык" фестиваленең финал этабына үтеп, 23 апрельдә "Пирамида"да үтәчәк йомгаклау концертына чакыру алгач, аның белән канәгатьләнеп калмаганнар, Малмыжда уздырылган шушы ук исемдәге фестивальдә дә көчләрен сынап карарга булганнар һәм Гран-при ияләре булып танылганнар. Гала-концерт вакытында Балтач районы халкы исеменнән бәйрәм сәхнәсенә күтәрелгән башкарма комитет җитәкчесе урынбасары Илһам Гайнетдинов күршеләребезгә олы рәхмәтләрен ирештереп, чараның гадел үтүенә соклану хисләрен белдерде.