Карилем

Әй, Карилем!
Газиз туган авылым,
Киң тугайлы Шушма буйларым.
Кайсы яктан чыгып китсәм дә мин,
Тоташалар борма юлларым.

Әй, син, авылым,
Синдә биек таулар
Тоташалар зәңгәр офыкка.
Синдә үскән сабый балаларны,
Охшаталар нәни кошчыкка.

Газиз авылым!
Синдә үстем мин дә,
Еракларга китеп югалдым.
Күңлем,җаным, тәнем белән синең
Моңлы җырларыңа уралдым.

Әй, Карилем!
Синдә ява карлар,
Ява кышның ап-ак карлары.
Истән чыкмый ямьле балачагым,
Уйнап үскән гүзәл кырларым.

Алмаз Әхмәтгалиев